आली आली दीपावली ( अष्टाक्षरी काव्य )

देण्या सुखाची सावली

लक्ष्मी पूजना पावली

करू आनंदे साजरी

आली आली दीपावली ।।१।।

किल्ले मातीचे उभारू

खाता लाडू नि चकली

काढू अंगणी रांगोळी

आली आली दीपावली ।।२।।

चक्री पाऊस फटाके

दारी तोरणे सजली

लावू कंदील पणती

आली आली दीपावली ।।३

बैलगाडी मामाजीची

भाऊबीजेसाठी आली

म्हणे मामाला बघुनी

आली आली दीपावली ।।४।।

भेटा आनंदाने सारे

म्हणा शुभ दीपावली

सुख दुःख वाटायाला

आली आली दीपावली ।।५।।