लाइब्रेरी
प्रोफाइल
आई
आई
1 min
191
आई असते सर्वस्व
बालकाच्या जीवनाचे
बालहट्ट पुरविते
राजपुत्र लाडक्याचे
आई शिक्षिका बाळाची
धडे देते जीवनाचे
शिक्षा, लाड, प्रसंगाने
बीज पेरते मूल्याचे
आई मैत्रीण मुलीची
लाड करी कपड्यांचे
गोष्टी कानी हळू सांगी
घडे चारित्र्य बाईचे
आई आधार घराचा
झाड असे सावलीचे
दूर देशी असे जरी
दु:ख जाणे अंतरीचे
वय नसे बालकाला
साठी किंवा सत्तरीचे
मन विसावे कुशीत
पाट मनी अमृताचे
