ಹೂವು

ಮನೆಯಂಗಳದಿ ಚೆಲುವಾಗಿ ಅರಳಿದಳು
ಬಣ್ಣ ಬಣ್ಣದ ಬಣ್ಣದಿ ಮನವ ಸೆಳೆದಳು. 
ಬಗೆ ಬಗೆ ಹೂವ ಸೊಬಗಿನ ಚೆಲುವು  
ನೋಡುಗರ ಕಣ್ಮನ ಸೆಳೆದು ತಣಿವವು||

ಮುಂಜಾನೆಯ ಮಂಜಿನ ಹನಿಯಲಿ
ಮಿಂದು ರವಿಯ ಕಾಂತಿಯ ಮೃದು ಸ್ಪರ್ಶದಲಿ. 
ಹೊಳೆಯುವಳು ಸಾಗರದ ಮುತ್ತಂತೆ
ಮಿನುಗುವಳು ಅಂಬರದ ತಾರೆಯಂತೆ||

ಹೂವಿನ ದಳವದು ಮೃದು ರೇಶಿಮೆಯಂತೆ
ನುಣುಪು ದುಂಬಿಯು ಸೋಕಲು ಜಾರುದಂತೆ.
ಮಧು ಹೀರಲು ತಡೆಯದು ಕಾತರವಂತೆ
ಅಂದವ ನೋಡುತ ಕುಳಿತು ಮೈಮರೆತನಂತೆ||

ಮುಡಿದರೆ ಮುಡಿ ತುಂಬಾ ಬೀರಿ ಪರಿಮಳವ 
ಹರಿಯ ಪಾದಪದ್ಮಗಳ ಸ್ಪರ್ಶಿಸಿ ಸಾರ್ಥಕ ಬಾಳೆಂಬ ಭಾವವ 
ಬದುಕು ಕ್ಷಣಿಕವೆಂದು  ಭರವಸೆಯಿಂದ ಅರಳುತ ನಗುವ
ಸ್ವಾರ್ಥವಿಲ್ಲದೆ ಲೋಕಕೆಲ್ಲಾ ಸೌಗಂಧವನು ಪಸರಿಸುವ|| 

✍️ರಮ್ಯಕೃಷ್ಣಪ್ರಭು
 ಮೂಡಬಿದಿರೆ