आइ गवा बा करोना

वाइरस घुसा हर कोना-२

शहर में आइ गवा बा किरोना।-२

होली में अब ना गुलाल गाल सजिहइं,

ना ही कलर पिचकारी में भरिहइं।।

ना ही बदन को भिगोना-२

शहर में आइ गवा बा किरोना।।

वाइरस घुसा--

अब केउ न मितवा से हाथ मिलइहइं,

प्रियतम के अपने न गरवा लगइहइं।।

दुरिययि से कहिहइं मिलोना-२

शहर में आइ गवा बा किरोना।।

वाइरस घुसा---

जबसे निबहुरा ई आइबा शहर में,

सबके बइठायेबा डरवाइ घर में।।

सब कहते किहुंसे मिलो ना-२

शहर में आइ गवा बा किरोना।।

वाइरस घुसा---

शीतल पदार्थन से बा खतरा भारी,

कोकाकोला पेप्सी में ई बेमारी।।

ठंढा संढा कुछ पियोना-२

शहर में आइ गवा बा किरोना।।

वाइरस घुसा---

अपुनअ बचअ अउरन के भी बचावअ,

अफवाह पे तनिका अंकुश लगावअ।।

सावधान तनिका रहो ना-२

शहर में आइ गवा बा किरोना।।

वाइरस घुसा---

साफ औ सफाई पे खास ध्यान रक्खअ,

भोजन पानी आपन समझि बूझि चक्खअ।।

आस पास कचरा करो ना-२

शहर में आइ गवा बा किरोना।।

वाइरस घुसा----

सावध रहा सावधानी भी बरतअ,

आस पास वालन के भी तनिका हरकअ।।

जौनपुरी कहते डरो ना-२

शहर में आइ गवा बा किरोना।।

वाइरस घुसा---