યાદ ન કર.

પગપાળા કરતા પ્રવાસ એ જમાનો યાદ ન કર,

ન્હોતો વાહનનો વિકાસ એ જમાનો યાદ ન કર,

નહોતી વીજળી કે સામ્રાજ્ય રોશનીનું હોવાનું, 

ન્હોતા ઠેરઠેર કૈં પ્રકાશ એ જમાનો યાદ ન કર,

હતું ભણતર મઝાનું માસ્તરની હતી બીક કેવી !

સોટી ખાઈને અભ્યાસ એ જમાનો યાદ ન કર,

ન્હોતી ફેશન, વ્યસન કે ટેન્શન કોઈ માનવમાં, 

હતી સોંઘારતની સુવાસ એ જમાનો યાદ ન કર,

હતી ઘૂંઘટમાં વધૂ જે મર્યાદાને પાળતી સતત,

ન્હોતા ખોટા ખર્ચા ખાસ એ જમાનો યાદ ન કર.