વરસાદ તું !

હવે તો કૈંક જરા સમજ વરસાદ તું ! 

ખાલીખાલી ના ગરજ વરસાદ તું !  

આભે ઘટાટોપ ઘન થઈને બેસતો,

તારી સમજને ફરજ વરસાદ તું ! 

સૂરજ જેવા સૂરજને ઢાંકી બેઠો,

ચૂકવ લબ્ધિનું કરજ વરસાદ તું ! 

અહીં સૌ રાહ જોઈને તડપતાને,

છે જળની સૌને ગરજ વરસાદ તું ! 

વરસ વરસ અનરાધાર આભેથી, 

તું ના બન પોતાનો જજ વરસાદ તું ! 

મંડી પડ તું તારું મન મૂકીને આજે,

આળસ વરસનું તજ વરસાદ તું ! 

વરસી વરસીને જાજે વીરમી મેઘ,

વ્યોમે ઇન્દ્રધનુ સરજ વરસાદ તું !