વિવેકી
વિવેકી
1 min
23K
એ છે ખરો વિવેકી જે નીરક્ષીરને જુદાં કરે,
એ છે ખરો વિવેકી જે નિજમતિને વાપરે.
ન જુએ ગુલાબમાં કાંટા કે ફરિયાદ ઉચ્ચરે,
એ છે ખરો વિવેકી જે ગુલ પર નજરને ધરે.
ન મળેલાંનો ન હોય વલોપાત જેને હરઘડી,
એ છે ખરો વિવેકી જે મળેલાંથી મનને ભરે.
ના હોય ઉપાલંભ જેને બ્રહ્માની આ સૃષ્ટિમાં,
એ છે ખરો વિવેકી જે આશાવાદે જીવતો ફરે.
હોય સત્યનો પક્ષ જેને સદાચારે જીવન જીવે
એ છે ખરો વિવેકી જે તાટસ્થ્યમાં પાર ઊતરે.