વાત્સલ્ય તારું !

કોની સાથે સરખાવું મા વાત્સલ્ય તારું ?

કયા મોલ થકી મૂલવું મા વાત્સલ્ય તારું !

જનેતા તારો પ્રેમ બેનમૂન છે દુનિયામાં,

તુલના કરવામાં ન ફાવું મા વાત્સલ્ય તારું,

હરિ પણ જ્યાં હાર પામે તારી આગળ,

તારા જેવું કોણ બતાવું ? મા વાત્સલ્ય તારું,

સો જન્મો ઓછા પડે ૠણ ચૂકવવામાં,

તારી યાદમાં હું તડપાવું મા વાત્સલ્ય તારું,

માતૃપ્રેમ પામવા ખુદ ઈશ પણ ઝંખતા,

તારા જેવું મા મારે થાવું મા વાત્સલ્ય તારું !