ಲೈಬ್ರರಿ
ಪ್ರೊಫೈಲ್
સમજણ વિના
સમજણ વિના
1 min
420
કેવળ જ્ઞાન વૃથા ગણાય છે સમજણ વિના.
'પોથીમાનાં રીંગણા' થાય છે સમજણ વિના.
વધતું જ્ઞાન અહંકારને બળવત્તર બનાવતું ને,
આમ જનતાથી દૂર જાય છે સમજણ વિના.
અભાવ વિવેકનો એને અતડું કરીને જંપતો,
સામાજિકતા કેવી ભૂલાય છે સમજણ વિના.
માહિતી બની જાય છે જો ન થાય આત્મસાત,
અધૂરો ઘડો થૈ છલકાય છે સમજણ વિના.
વિવેકથી જુગલબંધી એની થવી છે અનિવાર્ય,
બાકી 'તોતા રટન' દેખાય છે સમજણ વિના.
