શ્રદ્ધાંજલિ

હૈયાંને મૂક્યું હચમચાવી, કઠોર કૃપા પ્રભુ તારી કેવી,

કરુણરસને ગઈ પ્રગટાવી, કઠોર કૃપા પ્રભુ તારી કેવી !

હજુ તો પા..પા.. પગલી ભરતાં હતાં માસુમો દુનિયામાં, 

શાને એને લીધાં બોલાવી ? કઠોર કૃપા પ્રભુ તારી કેવી !

ન્હોતું જોયું જગત જેણે છાત્ર થઇને વિદ્યા મેળવતા'તાં,

લીધાં એને અગને લપેટાવી, કઠોર કૃપા પ્રભુ તારી કેવી !

ખિલું ખિલું થતાં આશાભર્યાં કલિકાસમ બાળકુસુમો,

ઓચિંતાની દુનિયા છોડાવી, કઠોર કૃપા પ્રભુ તારી કેવી !

રડતાં હશે અંતર એનાં ગુમાવ્યાં જેણે સંતાનો પોતાનાં, 

દેજે સહનશક્તિ દયા લાવી, કઠોર કૃપા પ્રભુ તારી કેવી !