પાડોશી મારા

મને પહેલા સગા એ લાગતા પાડોશી મારા,

મને સ્વજન એનો સમજતા પાડોશી મારા,

બહાર નીકળતાં 'જય શ્રીકૃષ્ણ' ઉચ્ચારતા,

સુખેદુઃખે જે હમકદમ બનતા પાડોશી મારા,

ઓશિકે હોંકારો મારે એના પાસે રહેવાથી,

ક્યારેય પારકો મને ન ગણતા પાડોશી મારા,

એક પડકારે હાજર થઈ હાલહવાલ પૂછતા,

ક્યારેક તો સગાનેય ભૂલાવતા પાડોશી મારા,

કૃપા પ્રભુની કે આવા સજ્જનો મળ્યા મને,

રસ્તાની મુલાકાતે એ મલકતા પાડોશી મારા.