નવા ચશ્મા નવી દુનિયા

કંઈક બાણ છે મારા ભાથામાં,

એ બાણોને મને જોવા દે,

સામે ઊભેલા સગાવહાલાંનો કાફલો,

એ કાફલાનો વિરોધ પણ જોવા દે,

થનગનતા કરતા મારા બાણ,

એ બાણ છોડવા માટે ધનુષ્ય તો જોવા દે,

અત્યાર સુધી પહેર્યા હતા જુના ચશ્મા,

એ જુના ચશ્માના તૂટેલા ગ્લાસ,

એ ગ્લાસની આરપાર તો જોવા દે,

થાકી ગયો, તૂટી ગયો, અંતે લાવ્યો નવા ચશ્મા,

એ નવા ચશ્મામાંથી, 

સ્વાર્થની નવી દુનિયા તો જોવા દે,

સજાવી દીધા મારા બાણોને,

હવે નવું મહાભારત તો થવા દે,

નવા ચશ્મા તો પહેરવા દે,

નવી દુનિયા તો જોવા દે.