મ્યાન રાખે છે...
મ્યાન રાખે છે...
1 min
13.4K
ગગનમાં ચાંદ,તારા ને સૂરજ પણ મ્યાન રાખે છે,
ધરા પર સૂક્ષ્મ રૂપે એ બધાનું ધ્યાન રાખે છે.
જીવનમાં યાતના ભીષણ, છતાં રંગોને સર્જીને,
ચિતારો કલ્પનાનાં ચિત્રનું સન્માન રાખે છે.
તું જાણી લે કે આથમવું એ કુદરતની ક્રમિકતા છે.
ડૂબેલો સૂર્ય પોતાની સવારે શાન રાખે છે.
અધિકારે નથી મળતો, મળે છે પ્રેમથી એ તો,
બતાવી મંત્ર પૂજારી, પ્રભુનું માન રાખે છે.
ખીલેલાં પુષ્પ પર ઝાકળ અરે! શાની નિશાની છે?
બની ટહુકા હવે ચોપાસ, મનને બાન રાખે છે.