મોંઘવારી

ગરીબ અને મધ્યમને ભરખી ગઈ મોંઘવારી.

જાવકના આધારે ના સરખી થઈ મોંઘવારી.

કૂદકે ભૂસકે વધનારી એ આમજનને આકરી,

બનાવી ગ્રાસ જનતાને હરખી રહી મોંઘવારી.

વહેવારની વાતે એ લોકોને મૂંઝાવનારી રહીને,

હીર ચૂસાયું તોય લોકને પરખી રહી મોંઘવારી.

વધતા ખર્ચા સામે આવક ન થઈ શકી પૂરીને,

નાની પછેડીને સોડ મોટી કરતી રહી મોંઘવારી.

કૈંકના જીવ લેનારી એ ટેન્શનની છે જન્મદાત્રી,

દિનપ્રતિદિન હરણફાળ ભરતી રહી મોંઘવારી.

અજગર ભરડો એનો રહ્યો છે લોકને સતાવી,

બની મધુમક્ષિકા આમજન ડંખી રહી મોંઘવારી.