માર્ગદર્શક

મળ્યા ઘણા ગુરુજીઓ અને વીતી ગઈ એ સમયની પળ;

તમારા જેવા ક્યાં કોઈ ગુરુજી કે પૂરું પાડે અમારુ મનોબળ !

ના જોઈ દુનિયા, ના જોયા સાગર, ના ભમ્યાં ભોમિયા સાથે;

છતાંય આખા મલકનું જ્ઞાનભાથું કેળવ્યું ગુરુજી તમારી સાથે.

એ મિત્રો મળ્યા ન મળ્યા અને પૂર્ણ થઈ ભણતરની એ પળો;

પરંતુ સાથે રહ્યા હોય તો તમારા આપેલ એ જ અડગ મનોબળો.

એ તમારું થોડું બોલવું સંસ્કારો માટે અમારાં;

રહું નિત્યક્રમ શાળા અને ગુરુજી સાંનિધ્યમાં તમારા.

ઘણીય મળી જીતો અને ઘણીય મળી હાર;

જીવન પાથેય શીખવ્યું ગુરુજી તમે એવો નિત્ય સાર.