કેશવ તમે

મહામારીનો ઉપદ્રવ અપાર, કરુણા કરો કેશવ તમે !

રોજરોજ મૃત્યુના સમાચાર, કરુણા કરો કેશવ તમે !

ક્યાંક પૂરપ્રકોપ તો ક્યાંક ધરા ધ્રૂજતી ભાળી વારંવાર,

ભૂસ્ખલનનો ભય પારાવાર, કરુણા કરો કેશવ તમે !

શું થવા બેઠું છે હરિવર નથી એ સમજાતું મને લગાર,

શું અવની પર વધ્યો છે ભાર, કરુણા કરો કેશવ તમે !

આખરે છીએ સંતાન તમારાં તજો ઘરડીખીજ દાતાર,

તુજવિણ ક્યાં કરવો પોકાર, કરુણા કરો કેશવ તમે !

ભૂલી જાઓ ભગવંત અગણિત અપરાધો છે કિરતાર,

ક્ષમા બક્ષી દ્યો પ્રભુ નરનાર, કરુણા કરો કેશવ તમે !