કબૂલ ન થઈ

ધૃણા કબૂલ ન થઈ, બંદગી કબૂલ ન થઈ

રહ્યા નજરમાં છતાં હાજરી કબૂલ ન થઈ !

સદા ને ઉતરી ગઈ હાથની નજરમાંથી

તમારી વીંટીથી જે આંગળી કબૂલ ન થઈ

હતો ન ખર્ચ સફરમાં, દખલ સમયની નહિ

મરી જવા ની છતાં માંગણી કબૂલ ન થઈ

રહું છું સાદગીના સાધકોની સોબતમાં

છતાંય કોઈનાથી સાદગી કબૂલ ન થઈ

હતી ન સૂર્યને તકલીફ જેના હોવાથી

નગરની રોશનીને ઝૂંપડી કબૂલ ન થઈ

કદીય તક ન મળી પહેલીવાર માંગવાની તો

અને કરી જે અરજ આખરી, કબૂલ ન થઈ