કાન ! કંઈક કહેવું છે
કાન ! કંઈક કહેવું છે
'કાન ! કંઈક કહેવું છે'
મારે નદીયુંના બે કાંઠે વહેવું છે ,
કાન ! એકવાર આવ કંઈક કહેવું છે !
રોજ રોજ પાંદડાને પૂછું તો,
પાંદડુંયે બોલે નઈ કાંઈ,
રસ્તામાં ભટકું હું એકલી અટૂલી,
તોય હું ભાળું નઈ કાંઈ,
જલધારાથી ભીંજાઈ રહેવું છે !
કાન ! એકવાર આવ કંઈક !
ખોલ બંધ થાતી આ પાંપણની વચ્ચાળે,
છબી તારા નામની રાખી,
અધકચરી ઈચ્છાઓ તુજને મળવાને,
આજ એવી તો ઝબકીને જાગી,
રોજ આંખ્યુંમાં જાગરણ જેવું છે
કાન ! એકવાર આવ કંઈક !
તારી જ મુરતને મનમાં રાખીને,
કાન વિનવું છું વારંવાર,
એકવાર આવે તો સતરંગી ફૂલડાંમાં,
મઘમઘીએ અપરંપાર ,
મારે છાને ખૂણે કંઇક દેવું છે
કાન ! એકવાર આવ કંઈક !