જિંદગી

ડગલે ને પગલે પ્રશ્નાર્થ બની જતી જિંદગી,

ના ક્યારેય એ વિધ્યાર્થ બની જતી જિંદગી,

એક સાંધીએ ત્યાં તેર તૂટે એવા ઘાટ થતા,

માનવી આગળ સમર્થ બની જતી જિંદગી,

જ્યાં મોજશોખ કે વૈભવમાં વેડફાઈ જતી,

તજી કર્તવ્યને એ વ્યર્થ બની જતી જિંદગી,

પૈસાની આંધળી દોટમાં રાજીરાજી થઈને,

જાણે કે સર્વસ્વ એ અર્થ બની જતી જિંદગી,

આચારમાં કૂડકપટ કે શૈતાન વસી જાયને,

પ્રભુબક્ષિસ આખરે અનર્થ બની જતી જિંદગી,

કેટલીક વીતી જતી તો કેટલીક જીવાઈ જતી,

સજ્જનના સંગે ચરિતાર્થ બની જતી જિંદગી.