જીવનસંગિની

વીત્યાં વર્ષ ત્રીસ સ્મૃતિઓ કરું પરત પરત,

ગયો સમય પણ ઝડપી સ્મરું તરત તરત,

સ્નેહસંબંધે બંધાયાં સાથી એકમેક ઊભય,

શરૂશરૂમાં હતો કેટકેટલો ધરું હરખ હરખ,

મળ્યું મબલખ તારા સંગે ઓ જીવનસંગિની,

હતું વાતાવરણ એટલું હર્યુંભર્યું વરત વરત,

હમસફરને હમરાહી હમદર્દ બનીને જીવતાં,

સો ટચ સોનું જાણે કે ના એ થયું વરખ વરખ,

સુખદુઃખમાં સાથ નિભાવ્યો પરસ્પર ધૈર્યથી,

અર્ધાંગિની તેં અર્પ્યું છે કેટકેટલું પરખ પરખ,

ના પરિણમ્યા મતભેદ કદીએ મનભેદ સ્તરે,

સંતોષરેખા મુજ ચહેરે નિહાળું મરક મરક,

દેજે ઈશ આ ભાર્યા મુજને જન્મોજનમ તું,

એમાં ના બાંધછોડ કે સ્વીકારું શરત શરત.