હરિવર તારે હાથ !

હું માનવ મારાથી બનતું કરી છૂટું, 

પ્રયત્નના બળે ક્યારેય કદી ન હટું,

હરહંમેશ રહે હરિ તારો મને સાથ,

    બાકી હાર જીત હોય હરિવર તારે હાથ.!

કદી પગ પારોઠ જીવનમાં ના ભરું, 

અચળ આત્મબળ હૈયામાં હું ધરું, 

હોય પુરુષાર્થ તીર સદા મુજ ભાથ,

   બાકી હર્ષ શોક હોય હરિવર તારે હાથ !

માનવતાના માર્ગે પગલાં મારાં થાય,

જનેજનમાં જનાર્દન મને પરખાય,

મુસીબત સામે હિંમતે ભીડું બાથ,

   બાકી જશ અપજશ હોય હરિવર તારે હાથ !