હે હરિ !
હે હરિ !
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
349
અવની પર આવીને વસી જો તો હું માનું,
કામ માનવતાનાં કદી કરી જો તો હું માનું,
એટલું સરળ નથી માનવ બનીને રહેવાનું,
હરિફાઈના યુગમાં તું ટકી જો તો હું માનું,
અહીં તો ડગલેને પગલે સંઘર્ષ હોવાનો જ,
એમાંય તું મુખને મલકાવી જો તો હું માનું,
અપજશનાં પોટલાં જ ખોલે છે બધા તો,
એનો તું ગરવો ઉત્તર આપી જો તો હું માનું,
મજબૂર કરાય છે માનવીને ખોટું કરવાને,
એમાં તું સત્યને આચરી જો તો હું માનું.