ગઝલ લખવાનું કપરું છે;

આ બળતો હાથ રાખીને ગઝલ લખવાનું કપરું છે;

સળગતો હાથ રાખીને ગઝલ લખવાનું કપરું છે.

અમારા અંગને ચીરી બરફ અંદર ભરેલો છે;

કે ગળતો હાથ રાખીને ગઝલ લખવાનું કપરું છે.

હજારો થાય છે સણકાં-સબાકાં ટેરવે મિત્રો ;

આ કળતો હાથ રાખીને ગઝલ લખવાનું કપરું છે.

નથી પકડી શકાતો કોઇ વેળા આપણાથી પણ;

રખડતો હાથ રાખીને ગઝલ લખવાનું કપરું છે.

અમારો હાથ આ ભાંગી અને ભૂક્કો થયેલો છે;

લબડતો હાથ રાખીને ગઝલ લખવાનું કપરું છે.