દે તાલી..!

સરખે સરખાં ઓચિંતાં મળ્યાં દે તાલી !

જાણે હરખનાં હિંડોળે ચડ્યાં દે તાલી !

સ્મરણો જૂના કેટલાં સળવળ્યાં દે તાલી !

પરસ્પર અહમનાં વાદળ ટળ્યાં દે તાલી !

નાનાં મોટાંનાં કેવાં ભેદને ભૂલ્યાં દે તાલી !

અંતરના રાજીપા થકી સૌ ફૂલ્યાં દે તાલી !

ભેટીભેટી એકમેકને કેવાં મળ્યાં દે તાલી!

પછી નયનને અશ્રુબિંદુ ના જડ્યાં દે તાલી !

તહેવાર જેવું લાગ્યું કે સુકૃત ફળ્યાં દે તાલી !

ખૂબખૂબ હરખી આખરે પાછાં વળ્યાં દે તાલી !