બાલકુસુમો
બાલકુસુમો
1 min
409
સરખેસરખાં સાથે મળીને કેવા હરખાતાં બાલકુસુમો,
થઈને તૈયાર ઘરેથી ફૂલફટાક એ દેખાતાં બાલકુસુમો,
સાવ નિર્દોષતાને નિખાલસતા એના ચહેરામાં વંચાતી,
મનમાં આવ્યું તે સહજ મોઢે ઉચ્ચારતાં બાલકુસુમો,
ઈશ્વરના બાગનાં પુષ્પો સમાં જોતાં જ ગમી જનારાં,
જીત મેળવી રમતે કે શિક્ષણે એ મલકાતાં બાલકુસુમો,
વળી થાય હાર કદીને સન્મુખ હોય ગોઠીનાં કટાક્ષોને,
થઈ દિલથી દુઃખી કેટલાં અશ્રુઓ સારતાં બાલકુસુમો,
કોઈ કહે વાત તો સ્હેજે એ માની લેતાં; ન વિચારતાં,
સાવ ભોળાંને કપટરહિત કેવાં એ લાગતાં બાલકુસુમો.