ବାର ମାସର ବାର କଥା
ବାର ମାସର ବାର କଥା
ଗ୍ରୀଷ୍ମେ ବୈଶାଖ ଜ୍ଯେଷ୍ଠ ମାସ
ଅହଂ ଭାବନା କର ହ୍ରାସ
ଯଦି ପଡିବ ତାର ଫାଶ
ହୋଇବ ଜାଣ ସର୍ବନାଶ ।
ବର୍ଷାରେ ଆଷାଢ ଶ୍ରାବଣ
ଲଙ୍କା ଅଧିପତି ରାବଣ
ଛପନ ଗଣ୍ଡା ବର ନେଲା
ଗର୍ବେ ଫୁଲିଣ ନାଶ ହେଲା ।
ଭାଦ୍ର ଆଶ୍ବିନ ଶରତରେ
ନାମ ରଖିବା ମରତରେ
ଗର୍ବ ଅହଙ୍କାର ଦୂର କର
ସବୁରି ହୃଦେ ପ୍ରେମ ଭର ।
ହିମେ କାର୍ତ୍ତିକ ମାର୍ଗଶିର
ବୁଦ୍ଧି ମତିକୁ କର ସ୍ଥିର
ଆଜି କାମକୁ ଆଜି ସାର
ନୋହିଲେ ବଢେ କାମ ଭାର ।
ଶୀତରେ ପୌଷ ମାଘ ମାସ
ସାଧୁ ସଂଗତେ କର ବାସ
ଆନେ ଉର୍ନ୍ନତି ଦିଅ ମନ
ଅର୍ଜନି ଅସତର ଧନ ।
ଫାଲ୍ଗୁନ ଚୈତ୍ର ବସନ୍ତରେ
ହାରି ନ ଯିବା ଜୀବନରେ
ଦମ୍ଭ ସାହସ ମନେ ଭରି
ବାହିବା ଜୀବନର ତରୀ ।
ବାର ମାସର କଥା ଏହି
ଭୁଲି ଯିବାନି ଆମେ କେହି
ଏତକ କଥା ଧ୍ୟାନ ଦେବା
ଦୀନ ଦୁଃଖୀଙ୍କୁ କରି ସେବା ।
ଅମୂଲ୍ୟ_କୁମାର_ପଣ୍ଡା
ଅରଙ୍ଗାବାଦ, ବରୀ, ଯାଜପୁର