ତୋତେ ଝୁରେ ଏଇ ଦିନେ
ତୋତେ ଝୁରେ ଏଇ ଦିନେ
1 min
6.9K
କେତେ ସୁଖ ଦେଇ, ଦଗା ଦେଇ ଗଲୁ
ହେଲୁ ତୁ କେଣେ ଉଭାନ,
ଗ୍ରୀଷ୍ମର ତପକୁ ସମ୍ଭାଳି ନପାରି
ଝୁରେ ତୋତେ ଆଜି ମନ।
ତୋର ପ୍ରଭାତରେ ଚଞ୍ଚଳ ସହର
ଚଞ୍ଚଳ ସାରା ଦୁନିଆ,
ଆଠ-ଦଶ ଦିନ ପ୍ରକୋପକୁ ଡରି
କେତେ ଥିଲି ଅଗାଧୁଆ।
ନଈର ପାଣିକୁ ଦେଖି ଲାଗେ ଭୟ
ଓହ୍ଲାଇବା ଥାଉ ଦୂରେ,
ଗ୍ରୀଷ୍ମର ପ୍ରକୋପ ଅସହ୍ୟ ଏତେ ରେ
ମନ ଆଜି ତୋତେ ଝୁରେ।
ଆରମ୍ଭ ମାତ୍ର ଏ' ଅଗ୍ନିର ବରଷା
ଅଛି ପୁଣି କେତେ ଦିନ,
ସ୍ଵଳ୍ପ ସମୟର ଖୁସି ଦେଇ କାହିଁ
ହେଲୁ ତୁ ରେ ଅନ୍ତର୍ଦ୍ଧାନ।
ହାଏରେ ତୁ ଶୀତ ଦିନ।
ମୁନ୍ନା ମହାପାତ୍ର, ଗୁଣପୁର