ନୂଆ ବର୍ଷରେ କେନ୍ଦୁଝର ......

କେନ୍ଦୁଝର ଶୀତ ନୂଆ ବର୍ଷ ମିତ

ଆସିଛି ପରାଗ ନେଇ ।

ମିତ ପରିଜନ କରି ଆୟୋଜନ  

ଭ୍ରମଣ ଗୁଣ୍ଡିଚା ଘାଇ ।।

ଖଣ୍ଡାଧାର ସେତ ଝରଣା ପ୍ରପାତ  

ଅମୁଲ୍ୟ ସେ ପରିବେଶ ।

ଜନ ବହୁଳରେ ବଣ ଭୋଜି ତୀରେ

ଦିଏ ତାକୁ ପରିତୋଷ ।।

ପୁଣି ଦେଖିବାକୁ  ଭୀମ କୁଣ୍ଡ ଟାକୁ

ଦିଗହରା ମନ ହୁଏ ।

କାହିଁ କେତେ ଦୂର ମନ ମୋ ଅଧୀର  

ଦିନ ରାତି ପାହିଯାଏ ।।

ସୁନ୍ଦର ସୃଷ୍ଟି ରେ ପଥର ପୃଷ୍ଠରେ   

ଅଦଭୂତ ଜଳ ଧାର ।

ଆଖି ମୋ ଲୋତକ ମନ ଆତଙ୍କିତ  

ଦେଖି ମନଲୋଭା ନୀର ।।

ରବି ଅଙ୍କୁରିତ ସାନ ଘାଗେରା ତ

ଅନେଇ ବସିଛି ବାଟେ ।

ବୁଲିବାକୁ ଗଲି  ସନ୍ତୁଷ୍ଟ ପାଇଲି  

ନ ଭୁଲିବି ଇତି ଶ୍ରେଷ୍ଟେ ।।