ଦୀପାବଳି
ଦୀପାବଳି
ଅନ୍ଧକାର ରାତି ଆଲୋକର ଭେଟି
ଆସିଛି ଏ ପୁର୍ଣ୍ଣ୍ୟ ରାତି l
ଜାଳି ପ୍ରଦୀପକୁ ଦିଅ କାଳିକାକୁ
ରଖ ହେଁ ତାପାଦେ ମତି ll
ସଂଧ୍ୟାର ମୁହୂର୍ତ୍ତ ଅବକାଶ ସତ
ମନର ଆବେଗ ଉଁଏ l
କାହିଁ କର ଡେରି ଦିଅ ହୁଳହୁଳି
ମନ ଆନମନା ହୁଏ ll
ଅନେଇ ବସନ୍ତି ଏ ପୁର୍ଣ୍ଣ୍ୟ ଦିନରେ
ପୂର୍ବଜ ମାନଙ୍କ ସ୍ମୃତି l
ଆସ ବନ୍ଧୁଜନ କରି ଆବାହନ
ବାଟେଇ ଆମ ଅତିଥି ll
ଅନ୍ଧାରରେ ଆସି ଆଲୁଅରେ ଯାଆ
କୁହ ହେଁ ବଡ଼ବଡ଼ୁଆ l
ବୃନ୍ଦାବନ ସାଥେ ମଥୁରାକୁ ଯାଇ
ଗୋପପୁରେ ତୁମେ ଥାଆ ll
ରାତ୍ର ଅଭିଳାଷ ଆଲୋକ ବିଳାସ
ନିଃସଙ୍ଗତା ଯେବେ ଆସେ l
କହ ହେଁ କାର୍ତ୍ତିକ ତୁମେ ଯେବେ ଆସ
ଦୀପଦାନ ସାଥେ ମିଶେ ll
ନିବିଡ଼ତା ଆଜି ମନ ଛୁଆଁ ଲାଗେ
କାହିଁ ରହିଅଛ ଦୂରେ l
ତୁମ ପ୍ରତୀକ୍ଷାରେ ବସିଛି ଅନେଇ
କହି ରାତ୍ରି ମନ ମାରେ ll
ସଂସାର ଅନ୍ଧାର କରି ତୁମେ ପାର
ରଖ ହେଁ ଆଲୋକ କୀର୍ତ୍ତି l
ଦୁନିଆ ବୁକୁରେ ଅନ୍ଧାର ଛାତିରେ
ଦୀପାବଳି ହେଉ ସ୍ମୃତି ll