भांड्यांच्या दुनियेत
भांड्यांच्या दुनियेत
उन्हाळ्याची सुट्टी आली
आजोळी मग गर्दी झाली
स्वयंपाक घरातून सुटला खमंग वास
रानफळाचा एकच ध्यास
खेळांची मग झाली चर्चा
हीच मुलांची दिनचर्या
लपाछपी चा डाव रंगला
लपायला होता मजला मोकळा
आदितीने दिली वर्दी
कोठीच्या खोलीत झाली गर्दी
जाते त्यांस पाहुनी हसले किंचित
सारी मुले झाली अचंबित
पुढे बोलू लागला दगडी पाटा
माहितीचा त्याने लावला सपाटा
नटून थटून आली सुरई
म्हणाली, मीच आहे सगळ्यात सुंदर
मी नाही लावत टिकली पावडर
तरही मी आहे सुंदर
उड्या मारत मारत आला खलबत्ता
म्हणतो कसा, भांड्यांचा तुम्हाला आहे का काही अतापता
काठवटीने केली सुरुवात
मैफिल रंगवली जोमात
लोखंड, तांब, चांदी, शिसं
भांड्यांचे आहेत ना ना प्रकार
एक एक जण देऊ लागले आपापला समाचार
प्रत्येकाचे वैशिष्टय ते अनमोल
मुले म्हणाली, तुमचा सहवास आमच्यासाठी बहुमोल