અશ્વ
અશ્વ
1 min
6.9K
મેં વર્ષો પહેલાં આદરેલો અશ્વમેઘ યજ્ઞ હજુયે પૂરો થયો નથી.
હું રાહ જોઉં છું, મારા ઘોડાના મરવાની.
પહેલાં એ યજ્ઞમાં જતો
હવે જાય છે રેસમાં.
પુરાતનકાળમાં
અશ્વશાળામાં રહી ચૂકેલો
કરબલાનાં મેદાનમાં વિંધાઈ ચૂકેલો
રામાયણ- મહાભારતનાં
અશ્વદળોમાં રખડેલો-રઝળેલો, તાજો-માજો, સાવ-સાજો
મારો ઘોડો બંદૂકનો ઘોડો
પડતાંની સાથે ગોળીની જેમ ભાગે છે,
હવે... ક્યારેક મારામાં, તમારામાં,
આપણામાં ઓચિંતું હણહણીને યાદ દેવડાવે છે:
આપણી આદિમ અવસ્થાની.