ବକରା ନମ୍ବର୍ 16
ବକରା ନମ୍ବର୍ 16
କିଛି ବର୍ଷ ତଳେ ଗୌରୀକୁ ଦେଖିଥିଲି ବାହା ସାହା ହୋଇ ସ୍ଵାମୀ ସହ ବିନ୍ଦାସରେ ଅଛି ମତେ ଦେଖିଲାରୁ ଆଡେଇ ଚାଲିଗଲା । ଆଖିରେ ମୋ'ର ନାଚୁଥିଲା ଆମ କଲେଜ ବେଳର କଥା ତା' ଅଙ୍ଗ ଭଙ୍ଗୀ ଆଉ ଅହଂକାରର କଥା । ବିଚରା ହିମୁଟା ତା' ପ୍ରେମରେ ପୁରା ଦିୱାନା ଥିଲା କିନ୍ତୁ ଗୌରୀ କେବେ ବି ତାକୁ ବାସିରେ ବି ପଚାରୁ ନଥିଲା । ହିମୁର ସାଙ୍ଗ ହିସାବରେ ମୁଁ ଦିନେ କୌଶଳ କରି ତା' ମୋବାଇଲ ହାତେଇଲି ହେଲେ ହିମୁ ନମ୍ବରକୁ ଡାଇଲ କଲାରୁ ମୋ' ମୁଣ୍ଡ ଚକ୍କର ଖାଇଗଲା କାରଣ ଗୌରୀ ହିମୁ ନାଁକୁ ସେଭ କରିଥିଲା ବକରା ନମ୍ବର ୧୬ରେ ମୁଁ କିନ୍ତୁ ଏ କଥା ଲୁଚେଇ ଥିଲି ହିମୁକୁ ।
କାଲି ସୌଭାଗ୍ୟବଶତଃ ହିମୁ ସହ ଦେଖା ହେଲା ସେ ବି ବାହା ସାହା ହୋଇ ଭଲରେ
ଅଛି । ତା'କୁ ଗୌରୀ କଥା ପଚାରିଲି ସେ ବେଦମ ହସିଲା । ପରେ ସେ ମତେ ତା' ମୋବାଇଲ ଫୋନରେ ଯାହା ଦେଖାଇଲା ମୁଁ ବିଶ୍ଵାସ କରି ପାରିଲିନି । ପରେ ପ୍ରେମରେ ସଫଳ ହେଲା ପରେ ସେ ଗୌରୀ ସହ ଉଠାଇ ଥିଲା ଅନେକ ଆପତ୍ତି ଜନକ ଉତ୍ତେଜକ ଫଟ । ଯାହା ଆଜିବି ବନ୍ଦୀ ହୋଇ ରହିଛି ହିମୁ ମୋବାଇଲରେ । ସହି ପାରିଲିନି ତାକୁ ଏ ବିଷୟରେ ପଚାରିଲି ସେ ହସୁଥିଲା ଆଉ କହୁଥିଲା ଏଇଟା ତା' ପାଇଁ ନୂଆ କଥା ନୁହେଁ ଏମିତି ଆହୁରି ୨୦ ଜଣକ ସହ ସେ ଏମିତିକା ଫଟ ଉଠାଇ ମୋବାଇଲରେ ସାଇତିଛି । ମନକୁ ପଚାରିଲି ଏଥି ପାଇଁ ଦାୟୀ କିଏ? ଉତ୍ତର ମିଳିବା ପୂର୍ବରୁ ହିମୁ ମୋ' ପାଖ ଛାଡି ସାରିଥିଲା ଘରକୁ ଫେରିବାକୁ ସ୍ତ୍ରୀ ଊର୍ମୀର କଲରେ ।