ଯାଉଛି ଶୀତ ଆସେ ବସନ୍ତ
ଯାଉଛି ଶୀତ ଆସେ ବସନ୍ତ
1 min
171
ଯାଉଅଛି ଶୀତ ଆସେ ବସନ୍ତ
ପୁରୁଣା ବରଷ ହୋଇଲା ଅନ୍ତ ।
ଆମ୍ବ ଗଛରେ ଯେ ହେବ ବଉଳ
କୁହୁ କୁହୁ ଗାଉଥିବ କୋକିଳ ।
ସଧୀରେ ବହିବ ମୃଦୁ ମଳୟ
ଚନ୍ଦନ ହୋଇବ ସୁଗନ୍ଧମୟ ।
ବନ ଉପବନେ ସୁମନ ଫୁଟି
ଚଉଦିଗ ଯିବ ବାସ ଚହଟି ।
ଶୀତର ପ୍ରକୋପ ଆଉ ନ ଥିବ
ଦେହ ମନ ପୁଲକିତ ହୋଇବ ।
କଅଁଳ ପତର ବୃକ୍ଷ ଲତାରେ
ପୂରି ଶୋଭା ଦିଶୁଥିବ ବନରେ ।
ମହା ଶିବରାତ୍ରି ହେବ ପାଳନ
ହରି ହରଙ୍କର ହେବ ମିଳନ ।
ରାଧା କୃଷ୍ଣଙ୍କର ଦୋଳ ପରବ
ପାଳନ କରିବେ ଲୋକ ସରବ ।
ହୋଲି ଉତ୍ସବରେ ଆନନ୍ଦ ପାଇ
ନାଚୁଥିବେ ଲୋକେ ବାଜା ବଜାଇ ।
ଋତୁରାଜ ଅଟେ ବସନ୍ତ ଋତୁ
ସଭିଙ୍କର ମନ ଖୁସି ସେ ହେତୁ ।