ସମ୍ବନ୍ଧ
ସମ୍ବନ୍ଧ
ତମେ ରଖିପାର ଦୈହିକ ସଂପର୍କ,
ଦୋଷାବହ ନୁହେଁ ପରକୀୟା,
ପ୍ରୀତି ନୁହେଁ ଅପରାଧିକ ମାମଲା,
ଆଇନତଃ ମୁକ୍ତ ତମେ,
ଭୋଗିବାକୁ ହେବ ନାହିଁ,
ଅବରୁଦ୍ଧ ଜେଲ ର ଶାଳା,
ଅବା ଶରୀରର ଜ୍ବାଳା ।
ତମ ଗୁମୁରି କାନ୍ଦୁଥିବା ଇଚ୍ଛା,
ଏବେ ଏବେ ମୁକ୍ତ କରାହେଲା ,
ନିଃସଙ୍କୋଚରେ ତମେ ଖୋଜିପାର,
ତମ ନିଜ ପାଇଁ ସାଥୀ,
ଭରାପ୍ରେମ ପ୍ରୀତିର ପିଆଲା ।
ତମ ବଦଳ କରିପାର ନିଜକୁ,
ବଦେଳେଇ ପାର ରୁଚିକୁ,
ତମକୁ ଛାଡି ଦିଆଗଲା,
ନିଜ ଆୟତ୍ତର କାରାରେ ,
ତମେ ଏବେ ବାଧ୍ୟ ନୁହଁ,
ଗୋଟିଏ ଶଯ୍ୟାରେ,
ଭୋଗିବାକୁ ଶହ ଶହ ରାତିର,
ନିଶବ୍ଦ ଯଂନ୍ତ୍ରଣା,
ସ୍ବର୍ଗ ଏବେ ତମ ହାତ ପାହନ୍ତାରେ ।
ପ୍ରତିରୋଧର ସବୁ ବାଟ
ସମାଜର ସଂସ୍କାରର
ନୀତି ଆଉ ନିୟମର
ଅଳନ୍ଧୁ ଭର୍ତ୍ତି ସିନ୍ଦୁକ ଟିକୁ
ଫୋପାଡିବାକୁ ହେଲା
ଯାହା ରହିଥିଲା ଚାବି ପଡି
ଯୁଗ ଯୁଗ ଧରି
ତମ ଚୌହଦୀରେ ତିନିକାଳ ।
ଏବେ ତୁମେ ନିମନ୍ତ୍ରଣ କରିପାର,
ତୁମ ଶୟନ କକ୍ଷକୁ,
ତମଇପ୍ସିତ ଅଭିସାର,
ସୃଷ୍ଟି କରିପାର ଭିନ୍ନ ଏକ କୋଠରୀରେ,
ଭିନ୍ନ ଏକ ଶଯ୍ୟା,
ଦରକାର ନାହିଁ,
ତମ ଖୋଜୁଥିବା ନିବିଡ ଅନ୍ଧାର ।
ଏବେ ଏବେ ହେଲା,
ନାରୀ ଓ ପୁରୁଷର ନୂଆ,
ନୂଆ ସଂବିଧାନ,
ଯାହା ମୁକ୍ତ ଭାବେ ହୋଇପାରେ,
ପ୍ରେମ ଶୂନ୍ୟ ସ୍ନେହ ଶୂନ୍ୟ,
ପ୍ରତାରଣା ପୂର୍ଣ୍ଣ,
ସାମୟିକ ଚିତ୍ତ ବିନୋଦନ ।
ଶ୍ରଦ୍ଧା ର ସହ
ଭକ୍ତ ଚରଣ ମଲ୍ଲ
ନେମ୍ବରା, କେନ୍ଦ୍ରାପଡା ।
28th September 2018.