ପୂଜ୍ୟ ଗଙ୍ଗାଧର

ଗିରି ବନ ଲତା ନଦୀ ଝରଣା 

ସୂର୍ଯ୍ୟ ଚନ୍ଦ୍ର ତାରା ନାରୀ ବର୍ଣ୍ଣନା 

ଫୁଟଇ କାବ୍ୟରେ କେତେ ବାସନା 

ଲେଖା ଅଧୁରା ତାଙ୍କ ପ୍ରକୃତି ବିନା 

    ଛନ୍ଦରେ ଛନ୍ଦିତ 

ମଳୟ ବହଇ ମନ୍ଦ ମରୁତ ।

ଭାଷା ସାହିତ୍ୟର ପ୍ରଜ୍ଞ ପୁରୁଷ

ରଚିଲେ କବିତା କାବ୍ୟ ଅଶେଷ

ପ୍ରକୃତି 'ସ୍ୱଭାବ ' ନାମେ ଭୂଷିତ 

ଉତ୍କଳ ଭୁବନେ ହେଲେ ଆଦୃତ 

   ପୂଜ୍ୟ ଗଙ୍ଗାଧର 

କଲମରୁ ଝରେ ଅମୃତ ଧାର ।

ଦେଶପ୍ରେମ ଗାଏ ତାଙ୍କ କବିତା

ଚେତିଲେ ରଟିଲେ ସୁପ୍ତ ଜନତା

କୋଟି ଓଡ଼ିଆଙ୍କ ହୃଦୟେ ବୋହେ 

'ତପସ୍ଵିନୀ 'କାବ୍ୟ ଜନଙ୍କୁ ମୋହେ 

     'ରସ ରତ୍ନାକର '

'ପ୍ରଣୟ ବଲ୍ଲରୀ'ହୋଇଛି ଚିର  ।

'ଉତ୍କଳ ଲକ୍ଷ୍ମୀ ' 'କବିତା କଲ୍ଲୋଳ '

'ଇନ୍ଦୁମତୀ ' ଆଣି ଗଢ଼ିଲେ ମାଲ 

ଦିଗବଲୟେ,, ହେଲେ ଅସ୍ତାଚଲ 

ତଥାପି ପ୍ରକାଶେ ଭାଷାର ଉଜ୍ୱଳ 

   ନାହିଁ ପଟାନ୍ତର 

ପ୍ରସ୍ଫୁଟିତ ହୋଇ ହେଲେ ଅମର ।

କଳା ସଂସ୍କୃତି ଜିଲ୍ଲା ବରଗଡ଼ 

ହସ୍ତତନ୍ତ ଖ୍ୟାତ ବରପାଲି ଗାଁ'ର 

ଜନ୍ମିଲେ ଶ୍ରାବଣେ ପୂର୍ଣିମା କାଳେ

ପାଇଲେ ସେବତୀ-ଚୈତନ୍ୟ କୋଳେ

     ମାତୃଭୂମି ବୋଲେ

ମାତୃଭାଷା ପାଇଁ ଜୀବନ ଦେଲେ ।