ଫେରେ ଆଜି ଅମୃତ ସନ୍ତାନ

ଧୂସର ଗୋଧୂଳିରେ

ସୁଖ ମ୍ରିୟମାଣ ପକ୍ଷୀଂକ କୂଜନେ

ପ୍ରତ୍ୟାବର୍ତ୍ତନୀର ଭାସ୍ୱର

ହତାଶ ମନେ ତୋଳିଥିଲା

ଚୁନା ଚୁନା ସ୍ୱପ୍ନ ର ସିତ୍କାର ।

ଫେରୁଥିଲା ଅମୃତ ସନ୍ତାନ

ଗାଇ ଗାଇ ମିଠାମିଠା ଗୀତ

ଛୁଇଁଛୁଇଁ ନଦୀ ସେପାରୀ ସୋରିଷ କିଆରୀ କ୍ଷେତ ।

କେବେଠୁ ଭୁଲିଯାଇଥିଲା ସେ

ଗାଁ ମାଟି, ବଣ, ଝରଣାର ମୂଲକ

ମନ୍ଦ ମଳୟ, ଆମ୍ବ ବଉଳର ବାସ

କାହିଁ କେତେ ଥର ସେ-

ବାଟବଣା ହେଉଥିଲା ବନେ

ଖୋଜୁ ଖୋଜୁ ଖିରି ଓ ବଇଁଚ କୋଳି ।

ଫେରୁଛି ଆଜି ସେ ଗାଁର ମୋହରେ

ଏନ୍ତୁଡି ଭୂଇଁର ଆକର୍ଷଣରେ ,

ଗାଁ ମାଟି ଛୁଁଛୁଁ ମନେ ହେଲା ତା'ର

ଯେମିତି ପାଦ ଥାପିଛି ସ୍ୱର୍ଗରେ ,

ଯାହାକୁ ସେ ଅନେକବାର ଦେଖିଛି ସ୍ୱପ୍ନରେ ।।

...

Email:[e-mail]