ନୂଆ ବର୍ଷ

ବିଦାୟ ଯେ ଦେଲେ

ବାଇଶକୁ ଆମେ

ଆରମ୍ଭ ହେଲା ତେଇଶ

ଭଲରେ କଟିବ 

ଏ ବରଷ ଥିଲେ 

ଜଗନ୍ନାଥଙ୍କ ଆଶିଷ।

ବିଦାୟ ବେଳରେ

କେତେ ମଜାମସ୍ଥି

କେତେ ଭୋଜିଭାତ ହୁଏ

କେତେ ସାଙ୍ଗସାଥୀ

କେତେ ନୂଆ ଯାଗା

ବୁଲିବୁଲି ବେଳ ଯାଏ।

ନୂଆ ବର୍ଷ ପୁଣି

କେତେ ନୂଆ ଖୁସି

କେତେ ଦୁଃଖ ଆଣି ଯାଏ

ବଜାର ଘାଟରେ

ସୁରାର ସେବନ

କେତେ ପ୍ରାଣ ପୁଣି ନିଏ।

ହସିହସି ଆମେ 

ବିଦାୟ ଯେ ଦେବା

ପୁରୁଣାକୁ ରଖି ମନେ

ଖୁସିର ସମୟ

ନୂଆ ବରଷକୁ

ଚାହିଁ ଅପଲକ ନୟନେ।

ସ୍ବାଗତ ସ୍ବାଗତ

ହାର୍ଦ୍ଦିକ ସ୍ବାଗତ

ନୂତନ ବର୍ଷରେ କରେ

ତୁମକୁ ତୁମର 

ସର୍ବ ପରିବାର

ଅଭିନନ୍ଦନରେ ଭରେ।।