ମୋ ଦେଶ

ଢେଉରେ ଖେଳଇ ସବୁଜିମା ଖେତ

ସୁନାର ଫସଲ ଧରି

ବନ,ଗିରି,ଲତା,ଝରଣାରେ ଭରା

ଏଇ ମୋ ଭାରତ ଭୂଇଁ ।

ତିନି ରଙ୍ଗ ଧରି ବିଜୟୀ ତ୍ରିରଙ୍ଗା

ଫର ଫର ହୋଇ ଉଡ଼େ

ପ୍ରକୃତିର ରାଣୀ ଦୂର ଦିଗବଳୟେ

ତ୍ରିରଙ୍ଗା ର ରଙ୍ଗ ମାଖେ ।

ମୋ ଦେଶ ଭାରତ ବୀରର ପ୍ରଦେଶ

ଇତିହାସ କହେ କଥା 

ବିଜୟୀ ଖଡ୍ଗର ଜୀବନ୍ତ ତା ଧାର

ଏବେବି ରକତ ମଖା ।

ସଂସ୍କୃତି ସମ୍ପନ୍ନ ମୋ ଦେଶ ମହାନ୍

ଶିକ୍ଷା ଦିଏ ବେଦ ପୁରାଣ 

ଭାଗ୍ୟବାନ ବୋଲି ଭାରତ ଭୂଇଁରେ

ହୋଇଛି ଆଜି ମୁଁ ଜନମ ।

ହିନ୍ଦୁ, ମୁସଲମାନ,ଜୈନ, ଖ୍ରୀଷ୍ଟିଆନ

ଅବା ଶିଖ୍, ଇସାଇ 

ସଭିଙ୍କର ସାଥେ ସଭିଏଁ ଚଳନ୍ତି

ମାନି ସଦା ଭାଇ ଭାଇ ।

ସାଗର ଲହରୀ ଧୋଇ ଦିଏ ପାଦ

ହିମାଳୟ ତାର ମୁକୁଟ 

ଏକତାର ବଳେ ବଳୀୟନ୍ ସଦା 

ଏଇ ମୋର ଦେଶ ଭାରତ ।

କେତେ ଗୁଣି,ଜ୍ଞାନୀ,ମହାପୁରୁଷ ଯେ

ଜନ୍ମିଛନ୍ତି ଏଇ ମାଟିରେ

ଦେଶର ହିତରେ ପ୍ରାଣ ଦେଇଛନ୍ତି

ଜୀବନ୍ତ ଅଛନ୍ତି ମନରେ ।

ତାଙ୍କରି ଜୀବନେ ଅନୁପ୍ରାଣିତ ମୁଁ 

କରିବି ଦେଶର ସେବା 

ମାଆ ଠାରୁ ବଳି ମୋ ଦେଶ ଭାରତ 

ଗାଉଥିବି ତାର ଗାଥା ।