ମହାମୋହ

ଶବ୍ଦହୀନ ପୃଥିବୀରର କଳୁଷିତ କାଳିମାରେ

କେତେ ଯେ ଆଉ ରାହା ଖୋଜିଥାନ୍ତି

ନିହିତ କାମନାର ନିତି କୁଠାର ଘାତ

କେତେ ଯେ ସହିଥାନ୍ତି

ମୋହକୁ ଜାବୁଡି ପ୍ରତାରିତ ହୋଇ

କେତେ ଯେ ଅଣନିଶ୍ୱାସୀ ହୋଇଥାଆନ୍ତି

କାନରେ ପ୍ରବଂଚନାର ସ୍ୱର ଆତ୍ମଘାତୀ ଚିନ୍ତା

କେତେ ଯେ ଶୁଣିଥାନ୍ତି

ରଂଗହୀନ ମଧୁହୀନ ମଧୁପର ବାସ୍ନାରେ

କେତେ ଯେ ଆଉ ବୁଲିଥାନ୍ତି

ଘୃଣାର ଦହନ ରେ ପତଙ୍ଗ ସମ

କେତେ ଯେ ଜଳିଥାନ୍ତି

ମହାମୋହରୁ ଉର୍ଦ୍ଧଗାମୀ

ଅପେକ୍ଷା କେଵଳ ମହାନିର୍ବାଣ

ମହାନିର୍ବାଣ ।