ଜୀବନ ଗଣିତ ବହି

ଜୀବନଟା ମୋର ଅସାର ହେଲାଣି

ପାଉ ନାହିଁ କାହିଁ ତତ୍ତ୍ଵ

ବାକି ଜୀବନଟା ନିଷ୍ଫଳ ହେବ କି

ଜଣା ନାହିଁ ବିଶେଷତ୍ବ।। 1

ଧରମ ଦୁଆରେ କଷଣ ରହିଛି

ସରିଛି ଯାତନା ଦୁଃଖ

ପାପୀ ଜନେ କିନ୍ତୁ ସାତ ଖୁଣ ମାଫ୍

ଜୀବନେ ଭରଇ ସୁଖ ।।2

ପୁଣ୍ୟ ଜନ ତହୁଁ ପୁଣ୍ଯ ଫଳେ ଆଶେ

ଦେଇଛି ସେ ମାରି ମନ

ଅର୍ଧମୀ ବିଧର୍ମୀ ତେଣୁ ବଳିୟାର

ମାଲାମାଲ ତା’ର ଧନ।। 3

କେଉଁ ଦୁଆରଟି ବାଛିବ ମଣିଷ

ଏ କଥା ଆଗୁ ବିଚାର

ସରଗ ସୁଖ କି ନର୍କ ପୁରୀ କଷ୍ଟ

ଭାବି ହୁଅ ଅଗ୍ରରସ ।। 4

ଏକ ଦୁଆର ତ ସରଗ ପୁରକୁ

ଜଟିଳ ତା’ ରାସ୍ତା ଜାଣ

ଅନ୍ୟ ଦୁଆରଟି ଯମ ଦଣ୍ଡ କଷ୍ଟ

ଭୋଗାଭୋଗ ପରିମାଣ।। 5

ଜୀବନ ବେଦ କି ବିଚିତ୍ର ଦୁରୂହ

ବୁଝା ପଡ଼ୁ ନାହିଁ କିଛି

ବୁଝୁ ବୁଝୁ ଗଲା ସେରକ ପୂରିଣ

କେଉଁ କାଳକ ବା ଅଛି।। 6

ସାରସ୍ଵତଗଣ ବିଚାରକରିବେ

ମୂଢ ମନେ ଦେଲି ଗାଇ

ହେଲେ କେଉଁ ମନ୍ତେ ସମାଧାନ ହେବ

ଜୀବନ ଗଣିତ ବହି? 0