ଜାନୁୟାରୀ ଛବିଶି ଆସିଛି

ଆସିଛିରେ ଆସିଛି 

ଜାନୁୟାରୀ ଛବିଶ ଆସିଛି,

ଗଣତନ୍ତ୍ର ଦିବସ ଯେ

ଦେଶ ଆଜି ପାଳୁଛି ।

କେତେ ବାଜା ବାଜୁଛି

ସାଜ ସଜ୍ଜା ହେଉଛି,

ସମସ୍ତଙ୍କ ମନ ଆଜି

ଖୁସିରେ ତ ନାଚୁଛି।

ଫିରିଙ୍ଗି ତ ଯାଇଛି

ଦେଶ ଛାଡ଼ି ଯାଇଛି,

ଶୋଷଣ ଓ ଅତ୍ୟାଚାର

ମନୁ ଲିଭି ଯାଇଛି ।

ଆମ ନେତ ତ୍ରିରଙ୍ଗା

ଫର ଫର ଉଡୁଛି,

ନୀଳ କନ୍ଦରରେ ବସି 

ଚକା ଆଖି ହସୁଛି।

ଧନ୍ୟ ସେ ଆମ୍ବେଦକର

ତାଙ୍କୁ କୋଟି ପ୍ରଣାମ,

ଦେଖାଇଲେ ନୂଆ ବାଟ

ରଚିଲେ ସମ୍ବିଧାନ ।

ଉଣେଇଶ ପଚାଶ

ଜାନୁୟାରୀ ଛବିଶ,

କାର୍ଯ୍ୟକାରୀ ସମ୍ବିଧାନ

ଗଣ ତନ୍ତ୍ର ଦିବସ।

ଆମ ହାତେ ଶାସନ

ନେତା ମନ୍ତ୍ରୀ ଆସନ

କରୁଛୁ ନିର୍ବାଚନ

ଆମେ ଚଳlଉଛୁ ଏବେ

ଆମ ଦେଶ ଶାସନ ।