ଚେନାଏ ହସ

ସୁନ୍ଦର ଏଇ ଧାନ କ୍ଷେତ

ସବୁଜ ରଙ୍ଗରେ ଶୋଭା,

ଆଖିଲାଗେ ନାହିଁ ଦେଖିଦେଲେ ଥରେ

ସୌନ୍ଦର୍ଯ୍ୟ ତା'ର ମନ ଲୋଭ ।

ଫସଲ ତା'ର ମାରେ ଲହରୀ

ଯେମିତି ତରଙ୍ଗ ପରି,

ବାସ୍ନାରେ ତା'ର ଚହଟାଇ ଦିଏ

ଥାଇ ଚଉପାସେ ଘେରି ।

ଦିବାକର ଆସି କ୍ଷେତରେ ଭାସି

ସୁନେଲି ରଙ୍ଗର ଶୋଭା,

ଚିକ୍ ଚିକ୍ କରି ଚମକୁଥାଏ 

କ୍ଷେତରେ ଧାନଗଛ ପାଏ ଶୋଭା ।

ସକାଳୁ ଆସି ଚାଷୀଭାଇ ଭାବେ

କ୍ଷେତର ହିଡରେ ବସି,

ଧାନକ୍ଷେତ ତା'ର ମନମୋହୁଛି

ଚାଷୀଭାଇ ହୃଦୟରେ ବସି ।

ଚାଷୀଭାଇ ଭାବେ ଫସଲ ତା'ର

କାଟିବା ସମୟ ହେଲା,

ଚେନାଏ ହସ ମୁରୁକି ହସି

ଫସଲ କାଟିବା ଆରମ୍ବ କଲା ।