ବିଶ୍ଳେଷଣ

ଷଣ୍ଢ ଆସୁଛି 

ବାଟ ଛାଡ଼ ଷଣ୍ଢ ଆସୁଛି 

ଗୋଡ଼ ଛାଟି ଲାଞ୍ଜ ପିଟି

ହୁଂକାର ଛାଡ଼ୁଛି ।

ଇଏ ମହାଦେବ ଷଣ୍ଢ 

ସଫାକର ରାସ୍ତା ଘାଟ

ଗାଆଁ ବଡ଼ ଦାଣ୍ଡ ।

ତା' ପାଇଁ ମନା ନାହିଁ

କାହା ଘର କାହା ବାଡ଼ି

ବଗିଚା ବା କ୍ଷେତ  

ଦିନ ରାତି ଖରା ବର୍ଷା

ଜାତି ଧର୍ମ ବର୍ଣ୍ଣର ତଫାତ୍ ।

କର୍ଷଣ ଜାଣେନି ଷଣ୍ଢ

ଧର୍ଷଣ ଜାଣିଛି

ରେସନ ଜାଣେନି 

ଲମ୍ବା ଭାଷଣ ଜାଣିଛି ।

ଏ ଷଣ୍ଢକୁ ନଥାଏ ଟି ଥୟ 

ଦିନ ଠାରୁ  ରାତି ତା'ର ପ୍ରିୟ ।

ଯୋଡ଼ି ବେନି ହାତ

କରି ମଥା ନତ

ଆସୁଛି ଆସିବ ଷଣ୍ଢ

ଛାଡ଼ି ଦିଅ ବାଟ ।