ବିଶ୍ଳେଷଣ
ବିଶ୍ଳେଷଣ
1 min
138
ଘଟଣା ବହୁଳ ପୃଥିବୀରେ
ଘଟୁ ଥିବା ସମସ୍ତ ଘଟଣା
ହୁଏ ନାହିଁ ଇତିହାସ
କିଛି ହୁଏ ଇତି ,
ଜଞ୍ଜାଳମୟ ଜୀବନରେ
ପ୍ରତି ମୁହୂର୍ତ୍ତ
ପାଏ ନାହିଁ ସ୍ମୃତିର ପରଶ
କିଛି ହୁଏ ବିସ୍ମୃତି ।
ବହି ଯାଉଥିବା
ସବୁ ନଈ ସବୁ ଝରଣା
ମିଶେ ନାହିଁ ସାଗରରେ
କିଛି ଶୁଖେ ମରୁରେ,
ଏଇ ମଣିଷ କହୁଥିବା
ଫି କଥା,ସବୁ କାହାଣୀ
ଲେଖା ନୁହେଁ ଅକ୍ଷରରେ
କିଛି ଲିଭେ ଲୁହରେ ।
ତଥାପି;
ଅନବରତ ଘଟି ଚାଲେ ଘଟଣା
ଅବିରତ ବହିଚାଲେ ଝରଣା
ଅବାରିତ ଝରୁଥାଏ ବରଷା
ଅସରନ୍ତି ମଣିଷର ଆଶା/ଭାଷା
ସ୍ୱପ୍ନ ଦେଖା ହୁଏ ନାହିଁ ଶେଷ
ଯେ ପର୍ଯ୍ୟନ୍ତ ଚାଲିଥାଏ
ନିଃଶ୍ୱାସ-ପ୍ରଶ୍ୱାସ ।