ବିଶ୍ୱାସ କହରେ କାଳିଆ କାହିଁକି ଏମିତି

କହରେ କାଳିଆ କାହିଁକି ଏମିତି

ବିନଦୋଷେ ଦେଉ ଦଣ୍ଡ,

କାହାଲାଗି ଆଜି ଘୃଣ୍ୟ ମୁଁ ହେଉଛି

ଟେକି ପାରୁନାହିଁ ମୁଣ୍ଡ ॥

ବିଶ୍ୱାସରେ ବିଷ ଭରି ତୁ ଦେଉଛୁ

ତୋତେ ମୁଁ ବିଶ୍ୱାସ କରି,

ଏକା ଦୁନିଆରେପଡି ତୋ ପାଦରେ

କାନ୍ଦୁଛି କରି ଗୁହାରି ॥

ନିଶ୍ୱାସକୁ ମୋର ବିଶ୍ୱାସ ନାହିଁରେ

ତୁହି ଧରିଛୁ ମୋ ନାଡୀ,

କେତେବେଳେ ବେଳ କାଟିଦେବୁ ଜଗା

ଜଗିଛି ଧରି ଦଉଡି ॥

ମିଛରେ ମିଛରେ ନିନ୍ଦ ଘୃଣା ପାଏ

ଲୁହରେ ବୁଡ଼ୁଚି ମୁହିଁ

କି ଆନନ୍ଦ ପାଉ କହ ମହାବାହୁ

କେତେ ଶାସ୍ତି ଦେବୁ ତୁହି ॥