ଆମରି ବନ୍ଧୁତା
ଆମରି ବନ୍ଧୁତା
1 min
487
ମନକୁ ବାନ୍ଧିପାର ବୋଲି
ତୁମେ ବନ୍ଧୁ
ସାଥେ ସାଥେ ଚାଲିପାର ବୋଲି
ହୋଇଲ ମୋର ସାଥି
ନିଜର ନୁହଁ କିନ୍ତୁ ସବୁଠୁ ନିଜର
ଆପଣାର ନହୋଇ ବି
ସଦା ଆପଣାର
ରକ୍ତର ସଂପର୍କଠୁ ଢ଼େର୍ ଉର୍ଦ୍ଧ୍ବରେ
ସମାଜର ରୀତିଠାରୁ
ଅନେକ ଦୂରରେ
ଶ୍ରଦ୍ଧାର କଲମ ଧାରେ
ହୃଦୟ କାଗଜ ପରେ
ତୁମେ ଲେଖିଦେଲ ଏକ କବିତା
ଆଉ ତା'ର ନାଁ ଦେଲ
"ଆମରି ବନ୍ଧୁତା"
ଜୀବନର ରାସ୍ତାରେ
ସମୟ ସୁଅରେ
ଢ଼େର୍ ଦୂରତା ଆସିବ
ଆମ ଭିତରେ
କିନ୍ତୁ ମନ ତଳର ଆବେଗତକ
ଠିକ୍ ସେମିତି ରହିବ
ଯେମିତି ରହି ଆସିଛି ଚିରଦିନରୁ
ହଁ, ମୁଁ ହାରିଯାଇପାରେ
ତୁମେ ଥକିଯାଇପାର
ତଥାପି କେବେ ଦିନେ
ଜୀବନର ଅପରାହ୍ନରେ
ଶୂନ୍ୟ ଆକାଶ ତଳେ
ଆମେ ପୁଣି ଦେଖାହେବା
ପୁରୁଣା ସ୍ମୃତିସବୁକୁ ସାଉଁଟିବା
ଆଉ ପୁଣି ଲେଖିନେବା
ତୁମର ସେ ଅଧାଲେଖା କବିତା
ଶେଷରେ ତା' ନାଁ ଦେବା
"ଆମରି ବନ୍ଧୁତା"