ଆମେ

ତମେ କିଏ, ତମର ନାଁ ଗାଆଁ

ଅତୀତ ବର୍ତ୍ତମାନ ସବୁ ଅଜଣା

ମୁଁ ଅଚିହ୍ନା ଅପରିଚିତ ତୁମଠାରେ ।

ତମକୁ ମୁଁ ଖୋଜୁଅଛି, ତମେ ମତେ ବି !

ତମେ ଆଉ ମୁଁ କେତେ କଥା ହେଉଅଛେ

ଆତ୍ମିୟତାର ଆତ୍ମିକ ଭାଷାରେ

ଆମେ ହେବାର ଅଦମ୍ୟ ଇଛ୍ଛାରେ ।

"ଭଲପାଇବା ବେଳର ମଧୁର ମୁହୂର୍ତ୍ତ

ଶାଶ୍ୱତ ଦାମ୍ପତ୍ୟ ପ୍ରେମ, ସୂର୍ଯ୍ୟ-ପଦ୍ମଫୁଲ

ଅବା ଦୁଷ୍ମନ୍ତ-ଶକୁନ୍ତଳା ପରି,

ଯୌବନର ରଙ୍ଗିନ୍ ଉଦ୍ୟାନରେ

ଗାଉଅଛେ ଗୀତ"

ସପନ ସାଗରେ ପହଁରି ପହଁରି ।

କଳ୍ପନା ସ୍ରୋତରେ,

ସୀମାହୀନ ଦିଗ୍ ବଳୟ ଯାଏ

ଉଭୟେ ଖୋଜୁଅଛେ ଉଭୟଙ୍କୁ

'ତୁ' ଓ 'ମୁଁ' ର ରୂପାନ୍ତର

'ଆମେ' ହେବା ପାଇଁ ।