वर्दीतला देव

विटेवरचा पांडुरंग

पहा वाटेवर आला

कर कटेचे काढून

काठीवर उभा झाला...

खाकी वर्दीत मी देव

उन्हा तान्हात पाहिला

देश वाचवण्यासाठी

प्राण पनाला लाविला...

तुज्या-माझ्या साठी रे तो

घरदार ते सोडून...

विनवितो देव तुला

खुद्द हात रे जोडून...🙏

मी सोडीयेले तुम्हासाठी

मूल-बाळ, घर-दार

अरे माझ्यासाठी तरी बाबा

तुम्ही सोडू नका घर...🙏

भक्तांच्या रक्षणाला

देव पडला बाहेर...

सांगे आळवून देव

आता घर च मंदिर..🙏

वर्दीतल्या देवाला ह्या

लाख मोलाचा सलाम

महाराष्ट्राच्या पोलिसा...

तुम्हा कोटी कोटी प्रणाम !!!🙏