विराजले अधिपती
विराजले अधिपती
1 min
157
भादवाच्या चतुर्थीला
विराजले आधिपती
दारी रांगोळी सुंदर
विघ्नेश्वरा महापती १)
अति सुंदर मखर
केली जय्यत तयारी
आणु थाटात माटात
प्रसन्नता घरी भारी २)
चंदनाचा पाट त्यांना
ताट चांदीचे जेवाया
फुले जास्वंदी दुर्वाची
चला आरती कराया ३)
दूर व्हावी महामारी
करु प्रार्थना बाप्पांस
येऊ सारेच एकत्र
ठेऊ मनी नित्य ध्यास ४)
विघ्नहर्ता लंबोदरा
तुच सृष्टीचा निर्माता
ठेवशील आनंदात
विनवणी भगवंता ५)
पूजा पठण भक्तीने
असे छान सोहळा
दहा दिवसात कसा
भक्ता लागलाय लळा ६)
नाम घेताच प्रसन्न
वाटे मज सुखकर्ता
ताएशील संकटांना
तुच आहे दु:खहर्ता ७)