तुम्ही जे काही असता !

तुम्ही असे जे काही आमच्यासमोर असता, ते खरंच मागेसुध्दा असेच असता का का हो ?

दिसंताना जसे समोर दिसता तसेच मागेसुद्धा दिसता का हो ?

तेच म्हणायचंय मला, तुम्ही असे जे काही असता !

सांगताना किंवा समजावताना एखादी गोष्ट, खरच मनापासून समजावता का हो ?

समजून घेण्याचा आव दाखवताना, समोरच्याला तसे आजमावता का हो ?

तेच म्हणायचंय मला, तुम्ही असे जे काही असता !

मदत करताना एखाद्याला, खरंच तितके उदार असता का हो ?

दुसऱ्याची गरज म्हणून खरंच निष्पाप कधी वागता का हो ?

तेच म्हणायचंय मला, तुम्ही असे जे काही असता !

हसताना कुणा सोबत उगाच हासू आणता का हो ?

जसं तोंडावर दाखवता, तसं मनातून सुद्धा हसता का हो ?

तेच म्हणायचंय मला, तुम्ही असे जे काही असता !

चालताना कुणासोबत खरंच, त्याच्या वेगाशी बरोबरी करता का हो ?

त्याला मागे टाकण्याच्या शर्यतीत कधीतरी सोबत नेण्याचा विचार करता का हो ?

तेच म्हणायचंय मला, तुम्ही असे जे काही असता !

कोण आपलं कोण परकं, कोण आवडीचं कोण सवडीचं

यांच्यात आपसुखपणातलं आणता का हो ?

नात्यांचा रुबाब मिरवताना, त्यां नात्यांना कधी समजून घेता का हो ?

तेच म्हणायचंय मला, तुम्ही असे जे काही असता !

काहीजण म्हणतात की काहीजण तसे असतात,ते खरंच तसेच असतात का हो ?

आम्हाला वाटणारे मनमुराद निस्वार्थी मनमोकळे आनंदी असे ते कधी नसतात का हो ?

तेच म्हणायचंय मला, तुम्ही असे जे काही असता !

(विशेष आभार- मंगेश पाडगावकर)